¡Ola Chicos y Chicas! ¿Como estas? 
ich hoffe doch eu gots allne gut. Ich bi am vorletschte Weekend guet in Costa Rica acho, min Hostpapa de Raffa (Raffael) het mi au grad am Flughafe scho abgholt. Mini Familie isch – wieni erwartet ha gemaess Steckbrief – sehr nett und sympatisch. S Weekend haets den chli ghapperet mitem Spanish wili jo nix ha choene aber es chunt guet… poco a poco Weiterlesen…
Leider hab ich selbst immernoch nicht viele neue Bilder von Utila. Das hat aber nun ein Kollege vom UDC (Tauchcenter) übernommen und gleich einen ganzen Video online gestellt. Es ist genau das selbe Tauchcenter und auch die selben Leute welche im Movie vorkommen mit denen auch ich (teilweise täglich) tauche.
PS: Nein – das mit den Haien ist leider nicht auf Utila 
hallo mitenand
ich melde mich au emol wieder zu Wort, bi noni verscholle, kai Angst
Ich bin am Maentig nochdem ich d Katja jo am Sa. am Flughafe verabschieded ha, mit chline Problem bis zum George uf Jacksonville ufecho. Am Flughafe Miami hani d Info fraeget, weli Airlines det ane flueget nochdemi im Internet div. verwirrlichi Infos gse ha. Und d Antwort isch gsi “Jackson-what?? there’s no jacksonville in florida” 
ich ha den nur so fuer mich denkt, hainomol, bi ich vo do oder du? Jedefalls ha ich den en Flug becho ab Fort Lauderdale mit de Southwest Airline (chani also nur empfehle) und bi am Obig spot acho. Er und sini Fruendin sind aber puenktlich det gsi go mich uflaese. Weiterlesen…
Update: Han jetzt mal no 2-3 Föteli ufeglade…
Nachdem mini Besser hälfti do jo ein Blogbiitrag nach em Andere schriibt bin ich mal widr a de Reihe.
Welch eine Überraschung: Ich bin immerno uf Utila! Wie ich han müese merke het Sunscheiss (Sunrise) anschiinend kei Roaming-Verträg mit irgendwelche Mobile-Abüüter da unde. Das bedüütet also, dass ich kei Natelempfang han und eue SMS mich daher au nöd erreichet.
Falls ihr also irgendwas vo mir wännd so müend ihr mir halt wohl oder übel es Mail schribe 
Wenn denn mal s’Internet grad widr funktioniert wirdi das denn au lese und wenns dä ach so grossi Stress denn zueloht au beantworte…
S’ander wo da unde ab und zue halt au ned funktioniert isch dä Strom. Öppe 1mal pro Wuche passierts halt, dass alles im dunkle isch. Aber au das ghört zum Inselläbe Isch aber au cool zum gseh, dass s’Läbe au ohni diä Annehmlichkeite wiitergoht.
No en chline Bricht über d Everglades
mir sind 3 Täg det gsi, hend diversi Trails zFuess gmacht, mitm Velo Shark Valley (froget mi nid warums so heisst, Hai hets nemli kai ) erkunded, mitm Kajak dur d Mangrovesümpf paddlet, Boottour unterno etcetc. Gse hend mer div Tier wie Aligatore, Krokodil, Schildkrote, Vögel und schöni Libelle und Schmetterling. Weiterlesen…
Noch es paar wilde Achterbahnfahrte und fasch chötzlig-werdende-3D-Simulatione (ja Clöde, d Harry Potter Bahn isch geil, aber üs is halbe schlecht worde ) ide Universal Studios hend mer doch i eim Tag alli Bahne durebrocht und viel gse vo beidne Park, Fazit: lohnenswert
Nochher sind mer uf Tampa grösslet wo mer zwei mal übernachtet hend. Det selber isch e chli tote Hose gsi (z.b. isch Downtown agschribe gsi und mir hend es Gfüel gha hend das Downtown segi irgendwie abhande cho, obwohl mer gemäss Plan zmizt inde gsi sind ). So sind mer den also go St.Petersburg und Clearwater go aluege und d Stränd gnüüse. Die zwei Dörfli hend üs super guet gfalle, ebefalls sehr lohnenswert beidi hend au en Pier gha, de vo St.Petersburg (nai- nix ruski) heisst “THE Pier”, also DÄ, the one and only so quasi uf beide chame sich verwiile und d Ussicht gnüüse… Weiterlesen…
Mir sind guet in Orlando acho, lieget scho fasch im Bett und freuet üs uf morn, den gots nemli id Universal Studios!
Mir hend ufm Weg do ane no in/am Cocoa Bach Halt gmacht (Ortschaft heisst glich wie de Strand). Det hend mir üs den au es chüels Bad im Meer gönt am morge am 9i d Föteli vo Miami hani ufeglade und die nächste sind in bearbeitig
Üsi Stopps sind somit gsi : Miami, Fort Lauderdale, West Palm Beach, Cocoa Beach
noch 5 Täg im sunnige Miami sind de Raphi und ich, bzw. Katja und ich doch scho au chli umecho und hend div. Teil vo Miami zGsicht becho. Am beste gfalle hät üs bis ez
so sind mer also mitm Bus, Metro, Velo, Touribu chli durch Gegend grösslet…
Weiterlesen…
Wiä ja bereits es paar vo eu wüsset hets bi mir nöd nur chli Problem mit dä Iireisebestimmigä id USA gäh sondern au mitm Flug vom Hondurianische Festland (San Pedro Sula) uf d’Insle Utila. Obwohl dä Flug siit 4 Mönet buechet gsi isch hend si fängs 1,5 Wuche vor Abflug gmerkt gha, dass sie am buechete Datum überhaupt kein Flug hend wills Karfriitig isch – heureka.
Glücklicherwiis hani denn aber en Flug binere andere Airline chönne bueche was sowiit tiptop klappet het. Bi dä Akunft in San Pedro Sula isch denn sogar öpper vo dä Airline detägstande mit eme Zettel i dä Hand “Mr Thoma for Roatan”. Au wenn si do no diä falsch Inslä ufgschribe hend, bini schlussendlich doch am richtige Ort glandet und bald denn au vom Kempf und sim Schofför abgholt worde. Weiterlesen…
So – jetzt schriib au ich mal min erschte Blog-Iitrag überhaupt… Mer probierets jetzt mal uf Schwyyzerdüütsch und lueget öb das alli verstönd – da mir jo nöd Luzernerdüütsch redet denki das sötti scho so hihaue
Nachdem bi öis am Weekend no einiges los gsi isch (Family & Nachbare uf Bsuech etc.) hend mer eus am Mäntig uf gmacht no diä letschte Sache go z’chaufe wo no für d’Reis gfehlt hend. Zum Bispill au so eifachi Sache wiä es paar Hose (soll: 3 / ist: 0)
Am Ziischtig het denn de ganzi Grümpel wo mit uf d’Reis söll cho au no müese verpackt werde. Wiä mer unschwer erkenne chan isch das eleige bim Tauchkoffer scho ziemlich vill gsi, und het meh oder weniger no dä ganz Tag in Aspruch gnoh.
Schlussendlich hend mers denn daber doch no gschafft gha alles in zur Verfüegig stehende Platz ine z’tue und sind m Obig amit Sack und Pack an Flughafe greist. Det hend mer euses Gepäck chönne ichecke und sind denn mitere Mobility C1-Gurke und 4 Lüüt uf Lufinge go Chinoise ässe gange – Mjam Mjam…
Darum isches denn au widr chli spöter worde und mir erscht am halbi 1 is Bett cho sind. Am 4i het denn dä Wecker leider scho widr gschellet und mer hend eus uf dr’Weg gmacht. Weiterlesen…